მსოფლიო ჩემპიონატი 1998

კარლოს როა, არგენტინის ნაკრების მეკარე 1998 წელს

სამყაროს აღსასრულის მოლოდინში: რატომ მიატოვა ფეხბურთი არგენტინელმა მეკარემ კარიერის პიკში

1999 წელს, როცა მას "მანჩესტერ იუნაიტედი" იწვევდა, არგენტინელმა მეკარემ მილიონიან კონტრაქტზე უარი თქვა და აპოკალიფსის მოლოდინში ოჯახთან ერთად მთაში გადაბარგდა.

📅 11 ივლისი, 2026 ⏱️ 4 წუთი

1968 წ.

დაიბადა ფრანგი ფეხბურთელი და მწვრთნელი დიდიე დეშამი. მსოფლიო ფეხბურთის ისტორიაში ის ერთ-ერთია იმ სამ ლეგენდას შორის (მარიო ზაგალოსა და ფრანც ბეკენბაუერთან ერთად), ვისაც მსოფლიო ჩემპიონატი როგორც ფეხბურთელის (1998 წლის ტრიუმფატორი კაპიტანი), ისე მთავარი მწვრთნელის (2018) რანგში აქვს მოგებული. მან ასევე მოიგო ევრო 2000, ხოლო საკლუბო დონეზე ჩემპიონთა ლიგის თასი ორ სხვადასხვა გუნდთან - "მარსელსა" და ტურინის "იუვენტუსთან" ერთად აღმართა.

1977 წ.

დაიბადა ფრანგი თავდამსხმელი დავიდ ტრეზეგე. 1998 წლის მსოფლიო ჩემპიონმა თავისი სახელი ოქროს ასოებით ჩაწერა ევრო 2000-ის ფინალში, როდესაც იტალიის ნაკრების კარში საკულტო "ოქროს გოლი" გაიტანა და საფრანგეთს კონტინენტის ჩემპიონის ტიტული მოუტანა. ტრეზეგემ ბრწყინვალე ეპოქა შექმნა ტურინის "იუვენტუსში", სადაც ორჯერ მოიგო სერია A და 171 გატანილი ბურთით კლუბის ისტორიაში საუკეთესო უცხოელი ბომბარდირი გახდა.

2017 წ.

იტალიის სერია A-ში ერთ-ერთი ყველაზე დრამატული "დერბი დელა მადონინა" გაიმართა. მილანის "ინტერმა" "მილანი" სანახაობრივ ბრძოლაში 3:2 დაამარცხა. მატჩის მთავარი გმირი არგენტინელი თავდამსხმელი მაურო იკარდი გახდა, რომელმაც ჰეთ-თრიკი შეასრულა და გამარჯვების მომტანი ბურთი 90-ე წუთზე თერთმეტმეტრიანი დარტყმით შეაგდო.

2019 წ.

ევრო 2020-ის საკვალიფიკაციო ეტაპზე საქართველოს ეროვნულმა ნაკრებმა სტუმრად გიბრალტარი დაძაბულ ბრძოლაში 3:2 დაამარცხა. გიორგი ხარაიშვილისა და ჯაბა კანკავას მიერ გატანილი ბურთებით ქართველები პირველ ტაიმში 2:0-ს იგებდნენ, თუმცა მასპინძლებმა მეორე ნახევარში წონასწორობა აღადგინეს. შეხვედრის 84-ე წუთზე გიორგი ქვილითაიამ გამარჯვების გოლი გაიტანა და ვლადიმირ ვაისის გუნდს მნიშვნელოვანი სამი ქულა მოუპოვა.